सिंहगड शैक्षणिक संस्थेतील सुरक्षारक्षकाची गळफास लावून आत्महत्या !

पुणे – ४२ महिन्यांचे वेतन न मिळाल्याने कर्जबाजारी झालेल्या समीर दाभोळकर (वय ५३ वर्षे) या सुरक्षारक्षकाने सिंहगड शैक्षणिक संस्थेच्या आवारात आत्महत्या केली. या प्रकरणी त्यांच्या मुलाने तक्रार दिली आहे. भारती विद्यापीठ पोलीस ठाण्यात सिंहगड कॉलेज ऑफ इंजिनिअरिंगचे संस्थापक मारुति नवले, सचिव सुनंदा नवले, उपाध्यक्ष रचना नवले आणि रोहित नवले यांच्यासह विश्वस्तांवर गुन्हा नोंद करण्यात आला आहे. मागील ४२ महिन्यांपासून वेतन न मिळाल्याने समीर दाभोळकर मानसिक तणावाखाली होते. त्यांनी सिंहगड शैक्षणिक संस्थेच्या वसतीगृहात आत्महत्या केली. या घटनेचे पुढील अन्वेषण पोलीस निरीक्षक गणेश मोहिते करत आहेत.