सनातन प्रभात > Post Type > बातम्या > राष्ट्रीय बातम्या > Fuel Price Hike : पेट्रोल आणि डिझेल प्रति लिटर ३ रुपयांनी महागले !

Fuel Price Hike : पेट्रोल आणि डिझेल प्रति लिटर ३ रुपयांनी महागले !

सी.एन्.जी. प्रती किलो २ रुपयांनी महागले !

(सी.एन्.जी. म्हणजे कॉम्प्रेस्ड नॅचरल गॅस – संपीडित नैसर्गिक वायू)

नवी देहली – पंतप्रधान नरेंद्र मोदी  यांनी पेट्रोल आणि डिझेल यांची बचत करण्याचे आवाहन केल्याच्या काही दिवसांनंतर लगेचच पेट्रोल आणि डिझेल प्रति लिटर प्रत्येकी ३ रुपयांनी महाग झाले आहे. नवीन दर १५ मे पासून लागू झाले आहेत. अनुमाने २ वर्षांनंतर दरांमध्ये ही वाढ करण्यात आली आहे. आता देहलीमध्ये पेट्रोल ९७.७७ रुपये प्रति लिटरने, तर डिझेल ९०.६७ रुपये प्रति लिटरने मिळेल. याच वेळी सी.एन्.जी. वायूच्या दरात प्रतिकिलो २ रुपयांनी वाढ करण्यात आली आहे.

आंतरराष्ट्रीय बाजारात कच्च्या तेलाच्या किमतीतील चढ-उतार होत असल्याने ही वाढ करण्यात आली आहे. इराण आणि अमेरिका यांच्यातील युद्ध चालू होण्यापूर्वी कच्च्या तेलाचे दर ७० डॉलर प्रती बॅरल (१५९ लिटरचा पिंप) होते, जे आता वाढून १०० डॉलर प्रति बॅरलच्या पुढे गेले आहेत.

तेल आस्थापनांना प्रतिमहा ३० सहस्र कोटी रुपयांचा होत होता तोटा !

सरकारच्या मते, इंडियन ऑइल, भारत पेट्रोलियम आणि हिंदुस्तान पेट्रोलियम यांसाखी सरकारी आस्थापने आंतरराष्ट्रीय बाजारात कच्च्या तेलाच्या वाढलेल्या किमतींमुळे तोट्यात चालली होती. पेट्रोलियम मंत्रालयाच्या संयुक्त सचिव सुजाता शर्मा यांच्या मते, आस्थापनांना पेट्रोल, डिझेल आणि एल्पीजी यांच्या विक्रीवर प्रतिमहा अनुमाने ३० सहस्र कोटी रुपयांची हानी होत आहे.

संपादकीय भूमिका

पुढे येणार्‍या आपत्काळात पेट्रोल, डिझेल आदी इंधन मिळेल कि नाही ?, याची शाश्वती नाही. त्यामुळे आता मिळत आहे, हेच मोठे आहे, असेच समजण्याची परिस्थिती आहे !

नूतन लेख