तरुणीवर सामूहिक अत्याचार केल्याच्या प्रकरणी ४ धर्मांधांना २० वर्षे सक्तमजुरीची शिक्षा !

पुणे – सामाजिक माध्यमात चित्रफीत प्रसारित करण्याची धमकी देऊन तरुणीवर सामूहिक अत्याचार करणार्‍या चौघांना २० वर्षे सक्तमजुरी आणि ३५ सहस्र रुपये दंड अशी शिक्षा अतिरिक्त सत्र न्यायाधीश एच्. एम्. भोसले यांनी सुनावली. दंड न भरल्यास आरोपींना एक वर्ष अतिरिक्त कारावास भोगावा लागेल, असे न्यायालयाने आदेशात म्हटले आहे. नोमान खान (वय १९), मनान खान (वय २०),  सोहेल पीरजादे (वय २१) आणि मुस्ताक सय्यद (वय ३२) अशी शिक्षा सुनावलेल्या आरोपींची नावे आहेत. ही घटना देहूरोड परिसरात जानेवारी ते मे २०२१ या कालावधीत घडली होती. विशेष सरकारी वकील विजय पाटील यांनी या खटल्यात २२ साक्षीदारांची साक्ष नोंदवली. आरोपींविरुद्ध सामूहिक बलात्कार करणे, अनैसर्गिक कृत्य यांसह विविध कलमाच्या अंतर्गत गुन्हा नोंद केला आहे.