‘अमृता विश्वविद्यापीठम्’चे संचालक डॉ. यू. कृष्णकुमार यांची हिंदु जनजागृती समितीकडून सदिच्छा भेट

कोचीन (केरळम्) : ‘अमृता विश्वविद्यापीठम्’चे संचालक डॉ. यू. कृष्णकुमार यांची हिंदु जनजागृती समितीच्या वतीने नुकतीच सदिच्छा भेट घेण्यात आली. विद्यापीठ परिसरात झालेल्या या भेटीत समितीच्या वतीने श्री. श्रीराम लुकतुके आणि श्री. नंदकुमार कैमल उपस्थित होते. याप्रसंगी समितीच्या वतीने करण्यात येत असलेले धर्मजागृती, ‘लव्ह जिहाद’विरोधी अभियान आणि अन्य राष्ट्र-धर्मरक्षणार्थ चालू असलेल्या विविध उपक्रमांची माहिती डॉ. कृष्णकुमार यांना देण्यात आली. या वेळी ‘हिंदुत्वाच्या कार्यासाठी आगामी काळात आवश्यक असलेले सर्वतोपरी साहाय्य करीन’, असे आश्वासन डॉ. कृष्णकुमार यांनी दिले.

वैशिष्ट्यपूर्ण सूत्रे

१. आध्यात्मिक वारसा : डॉ. यू. कृष्णकुमार हे जगद्गुरु माता अमृतानंदमयी देवी यांचे शिष्य असून ते ‘सेवा’ म्हणून या विद्यापिठाच्या संचालकपदाचे दायित्व अनेक वर्षे सांभाळत आहेत.

२. संशोधन कार्याविषयी चर्चा : विद्यापिठामध्ये सध्या चालू असलेल्या ‘इंडियन नॉलेज सिस्टम’ (भारतीय ज्ञान प्रणाली) आणि ‘वेदपठण’ यांसंबंधीच्या शोधकार्याविषयी या वेळी सविस्तर चर्चा करण्यात आली.