नालासोपारा येथे ४२ ग्रॅम गर्दा जप्त; २ मुसलमान अटकेत !

वसई-विरार – मीरा-भाईंदर, वसई-विरार पोलीस आयुक्तालयातील अमली पदार्थ विरोधी कक्ष-२ ने एका धडक कारवाईत नालासोपारा (पूर्व) परिसरातून ४२ ग्रॅम गर्दा (ब्राऊन शुगर) जप्त केला आहे. या प्रकरणी इस्माईल अथर अली खान (वय २४ वर्षे) आणि फैजान सईद जुलजुले (वय २३ वर्षे) यांना अटक करण्यात आली आहे. त्यांच्याकडून जप्त करण्यात आलेल्या अमली पदार्थाचे आंतरराष्ट्रीय बाजारपेठेतील मूल्य ८ लाख ४० सहस्र रुपये आहे.

पहारा देत असतांना पोलिसांना २ संशयित दुचाकीवरून पळून जाण्याचा प्रयत्न करतांना दिसले. पोलिसांनी पाठलाग करून त्यांना पकडल्यावर त्यांच्याकडे अमली पदार्थ आढळला. या प्रकरणी गुन्हा नोंदवण्यात आला आहे.