मध्यप्रदेशात प्राण्यांच्या चरबीपासून तूप बनवणार्‍या अनवर कुरेशीला अटक

खंडवा (मध्यप्रदेश) – प्राण्यांची चरबी, हाडे आणि कातडे यांचा वापर करून तूप बनवल्याच्या आणि ते विक्री केल्याच्या आरोपावरून मध्यप्रदेशातील खंडवा येथे नुकतेच पोलिसांनी अनवर शेख बिस्मिल्लाह कुरेशी नावाच्या व्यक्तीला अटक केली. हा अवैध धंदा इमलीपुरा भागातील एका अरुंद गल्लीत चालू होता.

🚨 Fake Ghee Racket Busted in Madhya Pradesh 🚨

Anwar Qureshi arrested for manufacturing ghee using animal fat 🐄❌

Authorities seized animal hides, bones, horns, 69 containers & 9 drums filled with animal fat during the raid.

The adulterated ghee was reportedly supplied to… pic.twitter.com/mZZyEIRd6E

— Sanatan Prabhat (@SanatanPrabhat) April 30, 2026

जिल्हा प्रशासन, महानगरपालिका, पशूवैद्यकीय विभाग आणि पोलीस यांच्या एका संयुक्त पथकाने येथे धाड घातली. आरोपीच्या घरातून प्राण्यांची कातडी, हाडे, चरबीने भरलेले ६९ डबे आणि ९ ड्रम, प्राण्यांची शिंगे आणि इतर साहित्य जप्त केले आहे. कुरेशी हे बनावट तूप स्थानिक बाजारपेठ, हॉटेल आदी ठिकाणी विकत होता. या प्रकरणी आरोपी कुरेशीविरुद्ध गुन्हा नोंदवून त्याला अटक करण्यात आली आहे. या घटनेनंतर खंडव्याच्या आमदार कांचन तन्वे यांनी घटनास्थळी भेट दिली. ‘हे प्रकरण अत्यंत गंभीर आहे. जिल्हा प्रशासनाने दोषींवर कठोर कारवाई करावी’, अशी मागणी तन्वे यांनी केली. या प्रकरणी पोलीस पुढील अन्वेषण करत आहेत.