पाकिस्तानशी संबंध आणि भारतविरोधी कारवाया करणार्‍या शेख इम्रान याला अटक

भुवनेश्वर (ओडिशा)  – देहली पोलिसांच्या विशेष शाखेच्या पथकाने येथे शेख इमरान (वय २२ वर्षे) याला अटक केली. त्याच्यावर पाकिस्तानशी संबंध असल्याचा आणि भारतविरोधी कारवायांत सहभागी असल्याचा आरोप आहे. (अशांच्या विरोधात जलद गती न्यायालयात खटला चालवून त्यांना फाशीची शिक्षा होण्यासाठी सरकारने प्रयत्न करणे आवश्यक ! – संपादक) प्राथमिक तपासात असे समोर आले की, आरोपी सामाजिक माध्यमांद्वारे भारतविरोधी प्रचार करत होता.

चौकशीत उघड झाले की, शेख इम्रान एका कट्टरतावादी गटाचा सक्रीय सदस्य म्हणून कार्यरत होता. तो व्हॉट्सॲप आणि सिग्नल ॲपवर एका गटाच्या संपर्कात होता. या माध्यमांतून धार्मिक आधारावर कट्टरतावादी लिखाण प्रसारित केले जात होते, जे राष्ट्रीय सुरक्षेसाठी धोकादायक मानला जातो.