Vande Bharat Meal : ‘वन्दे भारत’ एक्सप्रेसमध्ये २ प्रवाशांच्या जेवणात झुरळ आढळले !

कंत्राटदाराला १० लाख रुपयांचा दंड !

मुंबई – अहमदाबाद-मुंबई मार्गावरील ‘वन्दे भारत’ एक्सप्रेसमध्ये २ प्रवाशांच्या जेवणात झुरळ आढळले. याचा व्हिडिओ सामाजिक माध्यमांवर प्रसारित झाला आहे. आदित्य डिडवानिया या प्रवाशाने ‘एक्स’वर याची माहिती दिली. या घटनेची गंभीर नोंद घेत ‘आय.आर्.सी.टी.सी.’ने (भारतीय रेल्वे आहार व पर्यटन महामंडळाने) संबंधित अन्नपुरवठा करणार्‍या कंत्राटदाराला १० लाख रुपयांचा दंड ठोठावला, तसेच त्याचे कंत्राट रहित करण्याची प्रक्रियाही चालू करण्यात आली आहे.