Two Terrorists Arrested : मुंबईसह देहलीत घातपात घडवण्याच्या सिद्धतेत असलेल्या २ आतंकवाद्यांना अटक  

मुंबई – मुंबई आणि देहली येथे घातपात घडवण्याच्या सिद्धतेत असलेल्या दोन आतंकवाद्यांचा घातपाताचा कट आतंकवादविरोधी पथकाने उधळला आहे. पथक आणि देहली पोलीस यांनी संयुक्त कारवाई करून एकाला कुर्ला, तर दुसर्‍याला खडवली (जिल्हा ठाणे) येथून कह्यात घेतले आहे. ‘जैश-ए-महंमद’ या आतंकवादी संघटनेशी संबंधित काही हालचालींची माहिती देहली पोलिसांना मिळाली होती. त्यानंतर देहली पोलिसांनी ही माहिती महाराष्ट्र आतंकवादविरोधी पथकाला दिली. दोन्ही आरोपींकडून भ्रमणभाष, इलेक्ट्रॉनिक उपकरणे आणि काही महत्त्वाची कागदपत्रे जप्त करण्यात आली आहेत. अटक केल्यानंतर पुढील चौकशीसाठी त्यांना देहलीला नेण्यात आले आहे.