महाराष्ट्रातील २१ साखर कारखान्यांकडून कर्जाचा दुरुपयोग !

मुंबई – सरकारच्या राष्ट्रीय सहकार विकास निगमकडून घेतलेल्या कर्जाचा राज्यातील २१ साखर कारखान्यांनी दुरुपयोग केल्याचा प्रकार अन्वेषणात आढळून आला आहे. २१ कारखान्यांतील प्रकार गंभीर स्वरूपाचा, तर ३ कारखान्यांतील प्रकार मध्यम स्वरूपाचा आहे. ‘राष्ट्रीय सहकार विकास निगम’द्वारे सप्टेंबर आणि ऑक्टोबर २०२५ मध्ये याविषयीचा अहवाल सरकारकडे सादर करण्यात आला आहे. या प्रकाराच्या पडताळणीसाठी जानेवारी २०२६ मध्ये साखर आयुक्तांच्या अध्यक्षतेखाली समितीची स्थापना करण्यात आली आहे. भाजपचे आमदार रणधीर सावरकर यांनी विधानसभेत उपस्थित केलेल्या तारांकित प्रश्नावर सहकार विभागाकडून देण्यात आलेल्या लेखी उत्तरामध्ये वरील माहिती देण्यात आली आहे.