General Naravane Book : जनरल मनोज नरवणे यांचे आत्मचरित्र पुस्तक प्रकाशितच झालेले नाही !

नवी देहली – काँग्रेसचे नेते आणि खासदार राहुल गांधी यांनी संसदेत माजी सैन्यदलप्रमुख जनरल मनोज नरवणे यांच्या कथित प्रकाशित पुस्तकाचे उतारे वाचून दाखवले होते. त्याला सत्ताधारी खासदारांकडून पुष्कळ विरोधही झाला. आता पुस्तकाची प्रकाशन संस्था ‘पेंग्विन रँडम हाऊस इंडिया’ने औपचारिक स्पष्टीकरण दिले आहे. ‘जनरल मनोज नरवणे यांच्या आत्मचरित्रातील ‘फोर स्टार्स ऑफ डेस्टिनी’ या पुस्तकाचे विशेष प्रकाशन अधिकार केवळ आमच्याकडे आहेत. तसेच हे पुस्तक अद्याप कोणत्याही स्वरूपात प्रकाशित झालेले नाही’, असे या संस्थेने स्पष्ट केले आहे.

Former Army Chief Gen (Retd.) Manoj Naravane backs #PenguinIndia:

“This is the status of the book.” 📚

⚠️Publisher clarifies: “Pre-order is NOT the same as published.”

This nails the lie and exposes claims made on a book that doesn’t exist. 🔥

Big Setback To Rahul Gandhi… https://t.co/SAvSqNQ6ye pic.twitter.com/ZiCAdBtzNy

— Sanatan Prabhat (@SanatanPrabhat) February 10, 2026

या भूमिकेला १० फेब्रुवारीच्या सायंकाळी जनरल नरवणे यांनी स्वत: दुजोरा दिला. त्यांनी ‘एक्स’वर पोस्ट करत म्हटले की, प्रकाशन संस्थेने स्पष्ट केलेली भूमिकाच पुस्तकाची सद्य:स्थिती आहे.

This is the status of the book. https://t.co/atLtwhJvl0

— Manoj Naravane (@ManojNaravane) February 10, 2026

प्रकाशन संस्थेने म्हटले की, आम्ही स्पष्ट करू इच्छितो की, ‘छापील किंवा डिजिटल स्वरूपात’ पुस्तकाच्या कोणत्याही प्रती प्रकाशित, वितरित, विकल्या गेल्या नाहीत किंवा इतर कोणत्याही प्रकारे लोकांना उपलब्ध करून दिल्या गेल्या नाहीत. सध्या प्रचलित असलेली कोणतीही आवृत्ती – पूर्ण किंवा अंशतः, कोणत्याही स्वरूपात, कॉपीराईट (विशेषाधिकार) उल्लंघन ठरेल. अशा अनधिकृत वितरणाविरुद्ध कायदेशीर उपाययोजना केल्या जातील, असा इशाराही ‘पेंग्विन रँडम हाऊस इंडिया’ने दिला आहे.