Pakistani YouTuber Arsalan Naseer : आंतरराष्ट्रीय क्रिकेट मंडळाचे कार्यालय भारतात असते, तर क्षेपणास्त्रांद्वारे उडवून दिले असते !

 पाकिस्तानच्या जिहादी मानसिकतेच्या यू ट्यूबरची धमकी

(‘यू ट्यूबर’ म्हणजे यू ट्यूबवर व्हिडिओ प्रसारित करणारा)

नवी देहली – टी-२० विश्वचषक क्रिकेट स्पर्धेतील भारतासमवेतचा सामना खेळण्यास पाकने नकार दिल्यानंतर आंतरराष्ट्रीय क्रिकेट मंडळाने पाकवर कडक कारवाई करण्याची चेतावणी दिली आहे. यावर पाकमधील यू ट्यूबर अर्सलान नसीर याने या मंडळाला धमकी देणारा व्हिडिओ प्रसारित केला आहे. त्याने म्हटले आहे की, या मंडळाचे कार्यालय दुबई येथे आहे. जर ते भारतात असते, तर आम्ही क्षेपणास्त्राद्वारे उडवून दिले असते. या छोट्याशा कार्यालयामध्ये २५ जण बसतात आणि चित्रपट पहात असतात. अशांचे पाक सरकारला उत्तर देण्याचे धाडस कसे झाले ? पाकिस्तान सरकार कोण आहे, हे त्यांना ठाऊक नाही. पाकिस्तान सरकार आंतरराष्ट्रीय क्रिकेट मंडळाचा बाप आहे. रॉकेट डागले जाईल आणि २ खोल्यांचे कार्यालयही उरणार नाही. जय शहा (मंडळाचे अध्यक्ष) यांचे केवळ कपडेच शिल्लक रहातील. दुबईत सुरक्षित बसल्याबद्दल आभार माना, असेही तो म्हणाला.