Al Falah Chairman : अल-फलाह विद्यापिठाचे अध्यक्ष जवाद अहमद सिद्दीकी यांना अटक

नवी देहली – देहलीतील लाल किल्ल्याजवळील बाँबस्फोटाच्या प्रकरणी चर्चेत आलेल्या हरियाणातील फरीदाबाद येथील अल-फलाह विद्यापिठाचे अध्यक्ष जवाद अहमद सिद्दीकी यांना अटक करण्यात आली आहे. देहली पोलिसांच्या गुन्हे शाखेने त्यांना फसवणूक आणि बनावट कागदपत्रे या प्रकरणात अटक केली आहे. विद्यापीठ अनुदान आयोगाने जवाद अहमद सिद्दीकी यांच्या विरोधात बनावट कागदपत्रे आणि फसवणुकीची तक्रार नोंदवली होती. यापूर्वी अंमलबजावणी संचालनालयाने अल-फलाह विद्यापिठाची १४० कोटी रुपयांची भूमी आणि इमारती जप्त केल्या होत्या.