कल्याण-डोंबिवली महानगरपालिकेत शिंदेंच्या शिवसेनेला मनसेचा पाठिंबा !

ठाणे – महानगरपालिका निवडणुकीनंतर कल्याण-डोंबिवली महानगरपालिकेत एकनाथ शिंदे यांच्या शिवसेनेला राज ठाकरे यांच्या मनसेने पाठिंबा दिला आहे. येथील महानगरपालिकेमध्ये बहुमतासाठी ६२ आकडा आवश्यक असून शिंदेंच्या शिवसेनेकडे ५३ नगरसेवक आहेत. मनसेचे ५ आणि ठाकरे गटातून फुटलेले २ नगरसेवक मिळून शिवसेनेला पाठिंबा मिळाल्याची माहिती खासदार श्रीकांत शिंदे यांनी दिली. भाजपला सत्तेपासून दूर ठेवण्यासाठी मनसेने हा निर्णय घेतल्याचे त्यांनी स्पष्ट केले. गट नोंदणीच्या वेळी अनुपस्थित असलेल्या नगरसेवकांवर कायदेशीर कारवाई करण्यात येणार असल्याचे ठाकरे गटाने सांगितले.