Bombay Dhaba : भिवंडी येथील प्रसिद्ध ‘बॉम्बे ढाब्या’चा फलक मनसेने फाडला !  

‘मुंबई’ असे लिहिण्याची चेतावणी !

ठाणे – मुंबई-नाशिक महामार्गावरील भिवंडी येथील प्रसिद्ध ‘बॉम्बे ढाब्या’चा फलक मनसेने फाडला. ८ जानेवारीला मनसेचे अध्यक्ष राज ठाकरे ठाणे जिल्हा दौर्‍यावर असतांना त्यांची दृष्टी ‘बॉम्बे ढाबा’ असे लिहिलेल्या फलकावर पडताच कार्यकर्त्यांनी तात्काळ फलक फाडला. या वेळी ढाब्याच्या मालकाला ‘बाँबे’ऐवजी ‘मुंबई’ नाव लावण्याची चेतावणी देण्यात आली. ‘नाव पालटले नाही, तर ढाब्यावर कारवाई करू’, अशी चेतावणी मनसैनिकांनी दिली आहे. अंतिमतः ढाब्याच्या मालकाने फलक पालटण्याचे आश्वासन दिले.