हरियाणातील दांपत्याकडून साईचरणी (शिर्डी) ८० लाख रुपयांचा रत्नजडित सुवर्ण मुकुट अर्पण !

शिर्डी – हरियाणातील प्रदीप मोहंती आणि त्यांच्या पत्नी प्रतिमा मोहंती यांनी ८० लाख रुपयांचा रत्नजडित सुवर्ण मुकुट साईचरणी अर्पण केला. सुबक आणि आकर्षक नक्षीकाम केलेला हा सुवर्ण मुकुट ६५५ ग्रॅम वजनाचा असून त्यासाठी ५८५ ग्रॅम शुद्ध सोन्याचा वापर करण्यात आला आहे. दोन्ही बाजूंना मोराच्या आकर्षक प्रतिकृती आणि डाळिंबी रंगाच्या रत्नाचा वापर केला आहे. दांपत्याचा साईसंस्थानचे मुख्य कार्यकारी अधिकारी गोरक्षनाथ गाडीलकर यांच्या हस्ते सत्कार करण्यात आला. १ जानेवारीला १ लाख भाविकांनी साईबाबांचे दर्शन घेतले.