उज्जैन, अयोध्या, काशी आणि वृंदावन येथे दर्शनासाठी भाविकांची प्रचंड गर्दी !

वाराणसी (उत्तरप्रदेश) – ख्रिस्ती नववर्षारंभाच्या पार्श्वभूमीवर उज्जैन, अयोध्या, काशी, वृंदावन आदी धार्मिक ठिकाणी भाविकांची दर्शनासाठी प्रचंड गर्दी झाली आहे. उज्जैनमधील श्री महाकालच्या दर्शनासाठी १२ लाख भाविक आले आहेत. प्रभु श्रीरामाचे दर्शन घेण्यासाठी अयोध्येत २ किमी लांबीची रांग लागली आहे. २९ डिसेंबरला श्री काशी-विश्वनाथाच्या दर्शनासाठी ३ लाख भाविक आणि वृंदावन येथे दर्शनासाठी २ लाख भाविक आले होते. राजस्थानमधील सीकर येथे खाटूश्यामजींच्या दर्शनासाठी भाविक दीड घंटा रांगेत उभे रहात आहेत.

५ जानेवारीपर्यंत वृंदावनला येऊ नका ! – बांके बिहारी मंदिर व्यवस्थापनाचे भाविकांना आवाहन

वृंदावनमध्ये तर महाकुंभपर्वासारखी गर्दी जमली आहे. येथे पाय ठेवायलाही जागा नाही. वाढती गर्दी लक्षात घेता, बांके बिहारी मंदिर व्यवस्थापनाने ५ जानेवारीपर्यंत वृंदावनला न येण्याचे भाविकांना आवाहन केले आहे.