ठाणे येथे परप्रांतीय रिक्शाचालकाची दारूच्या नशेत मनसेप्रमुख आणि मराठी तरुण यांना शिवीगाळ

अटकेनंतर रिक्शाचालकाने कान पकडून मागितली क्षमा 

ठाणे – येथे परप्रांतीय रिक्शाचालकाने मनसेप्रमुख राज ठाकरे आणि मनसे नेते अविनाश जाधव यांच्याविषयी अभद्र भाषा वापरून एका मराठी तरुणाला शिवीगाळ केली होती. दारूच्या नशेत असलेल्या या रिक्शाचालकाच्या घटनेचे चित्रण सामाजिक माध्यमांवर प्रसारित झाले होते.

या प्रकारानंतर मनसे नेते अविनाश जाधव आणि ठाणे शहर प्रमुख रवींद्र मोरे यांनी चितळसर, मानपाडा पोलीस ठाण्यात जाऊन कडक कारवाईची मागणी केली आहे. त्यानंतर पोलिसांनी शैलेंद्र यादव याला अटक केली आहे, तर त्याचा एक साथीदार पसार आहे. शेवटी मराठी माणसाची आणि राज ठाकरे यांची त्या रिक्शाचालकाने कान पकडून क्षमा मागितली आहे; मात्र मनसैनिक संतापले असून ‘मनसे पद्धती’ने उत्तर देण्यावर ठाम आहेत.