सोलापूर शहर भोंगे आणि ध्वनीक्षेपक मुक्त !

सोलापूर – शहरातील सर्व धार्मिक स्थळांवरील भोंगे आणि ध्वनीक्षेपक पूर्णपणे काढण्यात आले. शहर आता १०० टक्के भोंगे आणि ध्वनीक्षेपक मुक्त झाले आहे, अशी माहिती पोलीस आयुक्त एम्. राजकुमार यांनी दिली. शहरातील मंदिर, मशीद, चर्च आणि बौद्ध मंदिरे अशा ८९३ धार्मिक स्थळांपैकी २८९ ठिकाणी भोंगे होते. त्यातील २८५ ठिकाणांवरील भोंगे स्वेच्छेने काढण्यात आले, तर उर्वरित ४ भोंगे (२ मंदिरे आणि २ मशिदींवरील भोंगे) बैठकीत निर्णय घेऊन काढण्यात आले.

पोलीस आयुक्तांनी सांगितले की, कुणावरही पोलिसांना बळजोरी करावी लागली नाही, हे सोलापूरकरांच्या परस्पर समजूतदारपणाचे उत्कृष्ट उदाहरण आहे. या बैठकीस पोलीस उपायुक्त गौहर हसन, विजय कबाडे, अश्विनी पाटील, तसेच विविध धर्मांचे नेते, ट्रस्टी आणि शांतता समितीचे सदस्य उपस्थित होते.