हिमाचल प्रदेशमध्ये ढगफुटी; ३२३ रस्ते बंद !

शिमला – हिमाचल प्रदेशातील बहुतेक भागांत मुसळधार पाऊस पडत असून राज्यातील कोटखाईमधील टेकड्यांमध्ये ढगफुटी झाल्याने नाल्यात मातीचा ढिगारा साचला आहे. या ढगफुटीमुळे तराईमध्ये बांधलेला पेट्रोलपंप आणि ६ हून अधिक वाहने गाडली गेली. कुल्लू आणि शिमला येथेही ढगफुटी झाल्याने नद्या अन् नाले यांना पूर आला. ‘हिमाचल आपत्ती व्यवस्थापन प्राधिकरणा’ने दिलेल्या माहितीनुसार गेल्या २४ घंट्यांत पावसामुळे राज्यातील ३२३ रस्ते बंद करण्यात आले आहेत. अचानक आलेल्या पुरात अडकलेल्या ४ जणांना सैन्याने वाचवले आहे.