Nigeria Benue Massacre : नायजेरियामध्ये भूमीच्या वादातून १०० जणांना घरांमध्ये जिवंत जाळले

अबुजा (नायजेरिया) – नायजेरियामध्ये १०० हून अधिक जणांना जिवंत जाळण्यात आल्याच्या घटनेची माहिती ‘ॲम्नेस्टी इंटरनॅशनल नायजेरिया’ने दिली. बेन्यू राज्यातील येलवाटा गावात घडलेल्या या घटनेनंतर अनेक नागरिक बेपत्ता झाले आहेत. अनेक कुटुंबांना घरात बंद करून जिवंत जाळण्यात आले. काही मृतदेह इतके जळाले होते की, त्यांची ओळख पटवणेही अशक्य झाले. या घटनेत शेकडो जण घायाळ झाले असून अनेकांना अद्याप वैद्यकीय सुविधा मिळालेल्या नाहीत.

बेन्यू राज्यात प्रामुख्याने मुसलमानबहुल उत्तर आणि ख्रिस्तीबहुल दक्षिण भागांत भूमीच्या वापरावरून सतत हिंसाचार होत असतो. विशेषतः गुरे चारण्यासाठी कुरणांच्या शोधात असलेले गुराखी आणि शेतीसाठी भूमीची आवश्यकता असलेले शेतकरी यांच्यातील संघर्ष येथे नित्याचा आहे. यामुळे वर्ष २०१९ पासून ५०० हून अधिक लोकांचा बळी गेला असून अनुमाने २२ लाख लोक विस्थापित झाले आहेत.