मुंब्रा येथील धोकादायक वळणाविषयी रेल्वे प्रशासनाशी पत्रव्यवहार केला होता !

मुंबई – मुंब्रा येथे एका धोकादायक वळणावर रेल्वे एका बाजूला झुकते, त्या वेळी ६ सहस्र प्रवासी रेल्वेतून प्रवास करत असतात. रेल्वेवर प्रचंड भार येऊन ती एका बाजूला झुकते. त्या वळणाविषयी याआधी आम्ही रेल्वे प्रशासनाला पत्रव्यवहार केला होता. अन्य वेळी साधारणतः ३ सहस्र ६०० प्रवासी असतात, असे रेल्वे प्रवासी संघटनेचे श्री. सिद्धेश देसाई यांनी सांगितले. ते म्हणाले, ‘‘आम्ही दिवा ते ठाणे या दरम्यान रेल्वेगाड्यांची संख्या वाढवा’, असे वारंवार सांगत आहोत. पंतप्रधानांनीसुद्धा ही मागणी मान्य केली; मात्र त्यावर रेल्वे प्रशासनाने कृती केली नाही. (याचे उत्तर रेल्वे प्रशासनाने दिले पाहिजे आणि पंतप्रधानांनीही यात लक्ष घातले पाहिजे, असेच जनतेला वाटते ! – संपादक) जे वळण निर्माण झाले आहे, त्यावर अभियंतेही काही करू शकत नाहीत.’’