सराफासह ४ जणांना पोलिसांनी केली अटक !

छत्रपती संभाजीनगर येथील उद्योजक लड्डा यांच्या बंगल्यावरील दरोड्याचे प्रकरण

छत्रपती संभाजीनगर – येथील उद्योजक लड्डा यांच्या बंगल्यावरील दरोडाप्रकरणी नांदेड येथून सराफासह ४ जणांना पोलिसांनी अटक केली आहे. या चौघांकडून २० लाख रुपयांचे १९ तोळे ४ ग्रॅम सोने हस्तगत केले आहे.आशिष बाकलीवाल, शेख शाहरूख शेख रफिक, शेख अबुजर उपाख्य शाहिद, शेख सोहेल शेख मुस्तफा अशी आरोपींची नावे आहेत. सोनेविक्रीसाठी गंगणे, खोतकर आणि हजबे यांनी परिचयातील अनेकांना कामाला लावले होते. त्यातील गंगणेचे सासरे आणि पत्नी यांना अटक झाली. गंगणेच्या गावातील शेख सोहेल यास खोतकर याने २० तोळे सोने दिले होते. त्याने सर्व सोने वितळवून त्याची लगड बनवली.