सनातन प्रभात > Post Type > बातम्या > राष्ट्रीय बातम्या > Karnataka CM Viral Video : मुख्यमंत्री सिद्धरामय्या यांनी पोलीस अधीक्षकांवर हात उगारल्याचा व्हिडिओ प्रसारित करणारा पोलीस शिपाई निलंबित !

Karnataka CM Viral Video : मुख्यमंत्री सिद्धरामय्या यांनी पोलीस अधीक्षकांवर हात उगारल्याचा व्हिडिओ प्रसारित करणारा पोलीस शिपाई निलंबित !

कर्नाटकचे मुख्यमंत्री सिद्धरामय्या पोलीस अधीक्षकांवर हात उगारताना

म्हैसुरू (कर्नाटक) – बेळगाव येथील काँग्रेसच्या कार्यक्रमात मुख्यमंत्री सिद्धरामय्या यांनी काही दिवसांपूर्वी एका पोलीस अधीक्षकांवर हात उगारल्याच्या घटनेची जोरदार चर्चा अद्यापही चालू आहे. या घटनेचा व्हिडिओ बनवणार्‍या एका पोलीस शिपायाला निलंबित करण्यात आले आहे. मुख्यमंत्री सिद्धरामय्या यांना शिवीगाळ करून सामाजिक माध्यमांवर व्हिडिओ प्रसारित केल्याचा आरोप करत म्हैसुरू मध्यवर्ती कारागृहातील पहारेकरी एच्.एन्. मधु कुमार यांना निलंबित करण्याचा आदेश कारागृहाचे मुख्य अधीक्षक पी.एस्. रमेश यांनी दिला.

एच्.एन्. मधु कुमार यांनी २८ एप्रिल या दिवशी व्हिडिओ बनवून मुख्यमंत्री सिद्धरामय्या यांच्या विरोधात संताप व्यक्त केला होता. हा व्हिडिओ सामाजिक माध्यमांवर मोठ्या प्रमाणात प्रसारित झाला. त्यानंतर तातडीने त्यांना निलंबित करण्यात आले.

संपादकीय भूमिका

गुन्हा करणार्‍याला नव्हे, तर गुन्हा उघडकीस आणणार्‍याला निलंबित करणे, हा चोर सोडून संन्याशाला फाशी देण्याचा प्रकार आहे. कर्नाटकातील काँग्रेसच्या जनताद्रोही राजवटीत आणखी दुसरे काय अपेक्षित असणार ? यावरून काँग्रसेची राजवट हुकुमशाहीपद्धतीने चालवली जाते, हेच स्पष्ट होते. याविषयी आता लोकशाहीप्रेमी काही बोलत का नाहीत ?

नूतन लेख