Agra Lady Teacher Blackmail Case : १० वीतील विद्यार्थ्‍याने शिक्षिकेचा अंघोळ करतांनाचा व्‍हिडिओ बनवून शारीरिक संबंधासाठी केले ब्‍लॅकमेल !

३ जणांना अटक

आगरा (उत्तरप्रदेश) – येथे १० वीत शिकणार्‍या विद्यार्थ्‍याने शिक्षिकेचा अंघोळ करतांनाचा व्‍हिडिओ बनवून तिला शारीरिक संबंध ठेवण्‍यासाठी ब्‍लॅकमेल केल्‍याची घटना समोर आली आहे. या प्रकरणी पोलिसांनी या विद्यार्थ्‍यासह ३ जणांना अटक केली आहे.

ही शिक्षिका एका शाळेत शिकवण्‍यासह घरी शिकवणीवर्गही घेते. तेथे आरोपी विद्यार्थी तिच्‍या घरी शिकवणीसाठी जात होता. त्‍याने शिक्षिका अंघोळीला गेल्‍यावर तिचा लपून व्‍हिडिओ बनवला होता. याद्वारे त्‍याने शिक्षिकेला ब्‍लॅकमेल केल्‍यावर तिने संबंधांना नकार दिला. तेव्‍हा त्‍याने हा व्‍हिडिओ त्‍याच्‍या ३ मित्रांना पाठवला. या चौघांनी पुन्‍हा या शिक्षिकेवर दबाव टाकला. शिक्षिकेने नकार दिल्‍यावर त्‍यांनी हा व्‍हिडिओ इन्‍स्‍टाग्राम या सामाजिक माध्‍यमावर अपलोड केला. यानंतर शिक्षिकेने पोलिसांत तक्रार केल्‍यावर पोलिसांनी ३ जणांना अटक केली, तर एक जण पसार आहे.