Delhi Police Seize Cocaine : देहलीत २ सहस्र कोटी रुपयांचे ५६० किलो कोकेन जप्‍त

नवी देहली – देहलीच्‍या मेहरौली येथून देहली पोलिसांच्‍या गुन्‍हे शाखेने ५६० किलो कोकेन जप्‍त केले आहे. आंतरराष्‍ट्रीय बाजारात त्‍याची किंमत सुमारे २ सहस्र कोटी रुपये इतकी आहे. याप्रकरणी पोलिसांनी ४ तस्‍करांना अटक केली आहे. यांतील हाशिमी महंमद वारिस आणि अब्‍दुल नायब या २ आरोपींकडून ४०० ग्रॅम हेरॉईन आणि १६० ग्रॅम कोकेन जप्‍त करण्‍यात आले आहे. देहलीतील कोकेन जप्‍त करण्‍याची ही सर्वांत मोठी घटना मानली जात आहे.

पोलीस अधिकारी प्रमोदसिंह कुशवाह यांनी सांगितले की, तुषार गोयल असे एका आरोपीचे नाव आहे. तो देहलीतील वसंत विहार येथील रहिवासी आहे. त्‍याच्‍यासमवेत त्‍याचे २ मित्र हिमांशू आणि औरंगजेब हेही होते. तिन्‍ही आरोपींना मुंबईतील कुर्ला येथून  भरत जैन याच्‍यासह पकडण्‍यात आले.