अक्षय शिंदे याच्या अंत्यविधीसाठी जागा देण्याची सरकारची न्यायालयात ग्वाही !

मुंबई – पोलिसांच्या चकमकीत ठार झालेला बदलापूर येथील अल्पवयीन मुलींवरील लैंगिक अत्याचार करणारा बलात्कारी अक्षय शिंदे याचा मृतदेह दफन करण्यासाठी जागा उपलब्ध करून देण्याची ग्वाही राज्यशासनाने मुंबई उच्च न्यायालयात दिली. अक्षय शिंदे याचे वडील अण्णा शिंदे यांनी अक्षय याचा मृतदेह दफन करण्यासाठी जागा उपलब्ध व्हावी, यासाठी न्यायालयात याचिका केली होती. अंत्यसंस्काराच्या वेळी सुरक्षा प्रदान करण्याची ग्वाहीही सरकारने न्यायालयात दिली. अंबरनाथ येथील एका दफनभूमीत अक्षय शिंदे याचा मृतदेह दफन करण्यास स्थानिक नागरिकांनी विरोध केला आहे.