सांगली येथे जामिनावर सुटलेल्या धर्मांधाचा हिंदु तरुणीवर पुन्हा अत्याचार !

पोलिसांकडून ॲट्रॉसिटी आणि बलात्कार यांचा गुन्हा नोंद !

सांगली, १३ सप्टेंबर (वार्ता.) – येथील एका हिंदु पीडित तरुणीने प्रविष्ट केलेल्या खटल्यातून जामिनावर सुटल्यानंतर धर्मांध संशयित आरोपी मोईन सिराज नदाफ (रा. कवठेएकंद, तालुका तासगाव) याने पीडित तरुणीवर पुन्हा बलात्कार केल्याची गंभीर घटना उघड झाली आहे. त्याने अश्लील छायाचित्रे आणि व्हिडिओ प्रसारित करण्याची धमकी दिली. या प्रकरणी पीडित तरुणीने सांगली शहर पोलीस ठाण्यात तक्रार प्रविष्ट केली आहे. या प्रकरणी पोलिसांनी मोईन सिराज नदाफ याच्याविरुद्ध बलात्कार, विनयभंग आणि ॲट्रॉसिटी कायद्यातील प्रावधानांनुसार गुन्हा नोंद केला आहे.

मिरज तालुक्यातील एका गावातील पीडित तरुणीने संशयित मोईन नदाफ याने अत्याचार केल्याविषयी पोलीस ठाण्यात तक्रार दिली होती. त्या गुन्ह्यातून जामिनावर सुटल्यानंतर धर्मांध मोईन नदाफ याने पुन्हा पीडितेच्या हालचालींवर लक्ष ठेवले. पीडित तरुणी मार्च २०२४ मध्ये खरेदीच्या निमित्ताने सांगली येथे आल्याचे समजताच मोईन याने तिची भेट घेतली. ‘तू माझ्यावर गुन्हा का नोंद केला आहेस ?’, असा जाब विचारला त्या वेळी अश्लील छायाचित्रे आणि व्हिडिओ दाखवून ते प्रसारित करण्याची धमकी देत बलात्कार केला.