I.N.D.I. Front Sinking Modi : ‘इंडी’ आघाडी आता गतीने बुडणार ! – नरेंद्र मोदी

नवी देहली – पुढच्या १० वर्षांनीही काँग्रेस १०० चा आकडा पार करू शकणार नाही. वर्ष २०१४, २०१९ आणि २०२४ या ३ निवडणुकांमध्ये काँग्रेसला जितक्या जागा मिळाल्या, त्या सर्व जागा आम्हाला या एका निवडणुकीत मिळाल्या आहेत. इंडी आघाडीवाल्यांना अंदाज नाही की, ते हळूहळू बुडत होते आणि आता ते गतीने बुडणार आहेत, अशी टीका पंतप्रधान नरेंद्र मोदी यांनी केली. भाजपप्रणीत राष्ट्रीय लोकशाही आघाडीच्या बैठकीत ते बोलत होते. या बैठकीत आघाडीतील सर्व पक्षांनी मोदी यांची त्यांचा नेता म्हणून निवड केली.