देशात ‘एन्.डी.ए.’ला चांगले वातावरण असून ४०० पेक्षा अधिक जागांवर यश मिळेल ! – चंद्राबाबू नायडू

कोल्हापूर – श्री महालक्ष्मीदेवीचे दर्शन घेऊन आनंद झाला. देशात शांती नांदावी, या देशातील सर्वांना श्री महालक्ष्मीदेवीचा आशीर्वाद मिळावा, अशी प्रार्थना देवीच्या चरणी केली. लोकसभा निवडणुकीसाठी देशाचा उत्साह चांगला आहे. देशात ‘एन्.डी.ए.’ला चांगले वातावरण असून ४०० पेक्षा अधिक जागांवर यश मिळेल, असे मत आंध्रप्रदेशचे माजी मुख्यमंत्री चंद्राबाबू नायडू यांनी व्यक्त केले. चंद्राबाबू नायडू यांनी कोल्हापूर येथे येऊन श्री महालक्ष्मीदेवीचे दर्शन घेतले. यानंतर ते पत्रकारांशी बोलत होते. या प्रसंगी व्यवस्थापक महादेव दिंडे यांसह अन्य उपस्थित होते.