आरोपीचे लोकांकडून पुष्पहार घालून, फटाके फोडून आणि मिठाई वाटून स्वागत !

महिलेला विवस्त्र करणार्‍या आरोपीची जामिनावर सुटका

बेळगाव – बेळगाव तालुक्यातील होस वंटमुरी येथे १० डिसेंबर २०२३ या दिवशी एका महिलेला विवस्त्र करून तिच्यावर आक्रमण करणार्‍या बसप्पा नायक याला न्यायालयाने जामीन संमत केला. बसप्पा हिंडलगा कारागृहातून बाहेर पडताच त्याच्या गळ्यात हार घालून त्याची मिरवणूक काढण्यात आली, तसेच फटाके फोडून मिठाई वाटण्यात आली. याचा व्हिडिओ सामाजिक माध्यमांतून प्रसारित झाला आहे. या प्रकरणी एकूण १३ जणांना अटक करण्यात आली होती. या सर्वांची जामिनावर सुटका करण्यात आली आहे.