छत्रपती संभाजीनगर येथे जेवणातून गुंगीचे औषध देऊन तरुणीवर अत्याचार !

छत्रपती संभाजीनगर – ‘नीट’ परीक्षेची सिद्धता करण्यासाठी आलेल्या एका २२ वर्षांच्या तरुणीशी सामाजिक माध्यमातून एकाने मैत्री केली. आरोपीने तिला जेवणातून गुंगीचे औषध देऊन एका उपाहारगृहात नेले आणि तेथे तिच्यावर अत्याचार केला. तरुणीची आक्षेपार्ह छायाचित्रे काढून सामाजिक माध्यमांवर टाकण्याची धमकी देत पुन्हा बळजोरीने शरीरसंबंध प्रस्थापित केले. या प्रकरणी तरुणीने छावणी पोलीस ठाण्यात तक्रार प्रविष्ट केल्यानंतर पोलिसांनी आरोपी श्रीकांत लहाने (रा. भानुदासनगर) याच्यावर अत्याचाराचा गुन्हा नोंद केला आहे. गुन्हा नोंद झाल्यानंतर आरोपी लहाने अद्याप पसार आहे.