मुंबईमध्ये रेल्वेत अल्पवयीन मुलीचा विनयभंग करणार्‍या धर्मांधाला प्रवाशांकडून चोप !

मुंबई – धावत्या रेल्वेमध्ये अल्पवयीन मुलीचा विनयभंग करणार्‍या नूर नावाच्या धर्मांधाला प्रवाशांनी चोप दिला. या प्रकरणी मुंबई सेंट्रल लोकमार्ग पोलीस ठाण्यात नूर याच्या विरोधात विनयभंग आणि पोक्सो कायद्याच्या अंतर्गत गुन्हा नोंदवण्यात आला आहे. प्रवाशांच्या मारहाणीत घायाळ झालेल्या नूर याला उपचारासाठी कूपर रुग्णालयात भरती करण्यात आले आहे. उपचारानंतर पोलीस त्याला अटक करणार आहेत.

पीडित अल्पवयीन मुलगी आणि तिचे वडील दादर रेल्वेस्थानकावर मुंबई उपनगरात जाणार्‍या रेल्वेमध्ये चढले. रेल्वे परळ येथे आली असता नूर अल्पवयीन मुलीच्या जवळ बसून तिला अयोग्य पद्धतीने हात लावत होता. मुलीच्या तक्रारीनंतर तिच्या वडिलांनी नूर याला विचारणा केली असता तो अरेरावी करायला लागला. या वेळी रेल्वेमधील प्रवशांनी नूर याला चोप दिला. हे वृत्त सामाजिक माध्यमांवरून प्रसारित झाल्यावर त्याला प्रतिसाद देतांना अशा नराधमाला चोप दिल्याविषयी अनेकांनी प्रवाशांचे अभिनंदन केले आहे.