काँग्रेसच्या सुप्रिया श्रीनेत यांनी केलेली अश्‍लील पोस्ट टीकेनंतर हटवली !

भाजपच्या उमेदवार कंगना राणावत यांच्यावर केली होती टीका

नवी देहली – अभिनेत्री कंगणा राणावत यांना भाजपने हिमाचल प्रदेशातील मंडी मतदारसंघात लोकसभेची उमेदवारी घोषित केल्यानंतर काँग्रेसच्या प्रवक्त्या सुप्रिया श्रीनेत यांनी अश्‍लील पोस्ट करत त्यांच्यावर टीका केली होती. ‘मंडी’ हा शब्द वेश्याव्यवसायाच्या संदर्भात वापरला जातो. त्या आशयाची पोस्ट केल्यामुळे श्रीनेत यांनी ही पोस्ट हटवली. या प्रकरणी भाजपने निवडणूक आयोगागकडे तक्रार केली आहे. दुसरीकडे सुप्रिया श्रीनेत यांनी‘माझे फेसबूक आणि इन्स्टाग्राम खात्यांचा ‘पासवर्ड’ मी अनेकांना दिला आहे. त्यांतीलच एकाने ही पोस्ट प्रसारित केली होती. माझा या पोस्टमधील लिखाणाला पाठिंबा नाही, मी त्याचा विरोध करते’, असा दावा त्यांनी केला आहे.