‘नवनीत’च्या प्रश्नसंचाच्या छायांकित प्रती विकणार्‍या तिघांना अटक !

१ लाख ४५ सहस्र ३०० रुपयांचा माल जप्त

गोंदिया – शैक्षणिक अभ्यासक्रमातील शिक्षण साहित्य पुरवणार्‍या ‘नवनीत’ आस्थापनाच्या प्रश्नसंचाच्या लहान आकारातील छायांकित प्रती काढून त्यांची विक्री करणार्‍या ‘झेरॉक्स’च्या दुकानदारांवर पोलिसांनी कारवाई केली आहे. ‘कॉपीराईट अधिनियम उल्लंघन’ प्रकरणी पोलिसांनी यात १ लाख ४५ सहस्र ३०० रुपयांचा माल जप्त केला आहे. गुन्हा नोंदवून तिघांना कह्यात घेतले आहे. रविकांत हरिप्रसाद जायस्वाल, उज्ज्वल तुषारकांत जायस्वाल आणि चंद्र रमेश जोशी अशी त्यांची नावे आहेत.