रामनाथी (गोवा) येथील सनातनच्या आश्रमात झालेल्या शिबिरात साधिकेला आलेल्या अनुभूती

१. ‘शिबिराच्या पहिल्या दिवसापासून मला व्यासपिठावरील वक्त्यांच्या सभोवती तेजोवलय दिसले. अशी अनुभूती मला तीनही दिवस आली.

२. सच्चिदानंद परब्रह्म डॉ. जयंत आठवले यांचे अस्तित्व जाणवणे

अ. अधून-मधून मला ‘व्यासपिठावरील आसंदीवर सूक्ष्मातून गुरुदेव (सच्चिदानंद परब्रह्म डॉ. जयंत आठवले) बसले आहेत आणि ते माझ्याकडे पहात आहेत. ते मला ‘शिकण्याच्या स्थितीत आहेस ना ? नामजप चालू आहे ना ?’ अशी आठवण करून देत आहेत’, असे दिसले.

आ. ‘गुरुदेवांच्या चरणांतील चैतन्याचा शिबिरातील साधकांवर वर्षाव होत आहे. त्यांच्या चरणांतील चैतन्याने माझा देह भारित होऊन हलका झाला आहे’, असे मला जाणवत होते. माझा नामजप चालू होता.

३. ‘गुरुदेव आश्रमातील प्रत्येक साधकाच्या माध्यमातून माझ्यावर प्रीतीचा वर्षाव करत आहेत’, असे मला वाटत असे.

४. एकदा मी ध्यानमंदिरात बसून गुरुदेवांना आत्मनिवेदन केले. तेव्हा ‘त्यांच्या छायाचित्रातील त्यांचा सदरा गुलाबी रंगाचा झाला आहे आणि खोलीत पांढरा प्रकाश पसरला आहे’, असे मला जाणवले.

५. स्वतःत गुणवृद्धी होण्यासाठी आणि स्वभावदोषांचे निर्मूलन होण्यासाठी प्रार्थना होणे 

भोजनकक्षात जाण्यासाठी प्रत्येक पायरी चढतांना ‘माझ्यातील स्वभावदोष दूर होऊन माझ्यात १ – १ गुण वाढावा’, यासाठीची प्रार्थना माझ्यकडून आपोआप होत होती. तेव्हा मला पुष्कळ कृतज्ञता वाटत होती.

‘सच्चिदानंद परब्रह्म गुरुदेवांच्या कृपेने मला या दिव्य शिबिराचा लाभ मिळाला आणि वैकुंठरूपी आश्रमात रहाण्याची संधी मिळाली. मला एवढ्या अनुभूती दिल्या आणि मला सतत भावावस्थेत ठेवले’, त्याबद्दल मी गुरुदेवांच्या कोमल चरणी कोटीशः कृतज्ञता व्यक्त करते.’

– सौ. सविता भगुरे, नाशिक (२७.११.२०२३)