CAG Report Karnataka : कर्नाटक सरकारने १० सहस्र कोटी रुपयांचे जुने कर्ज वसूल केले नाही ! – लेखापरिक्षकांचा अहवाल

बेंगळुरू (कर्नाटक) – कर्नाटक सरकारने विविध संस्थांना दिलेले १० सहस्र कोटी रुपयांहून अधिक जुने कर्ज वसूल केलेले नाही. १३ फेब्रुवारी या दिवशी विधानसभेत सादर करण्यात आलेल्या लेखापरिक्षकांच्या (‘कॅग’च्या) वर्ष २०२२-२३ च्या आर्थिक अहवालात ही गोष्ट समोर आली आहे. कर्ज दिल्याची प्रकरणे वर्ष १९७७ पासून प्रलंबित असल्याचे अहवालात म्हटले आहे. २१ संस्थांकडे १५ सहस्र ८५६ कोटी रुपयांची थकबाकी आहे, ज्यात ९ सहस्र ३८० कोटी रुपयांच्या मूळ रकमेचा समावेश आहे.

बेंगळुरू पाणी पुरवठा आणि सांडपाणी मंडळ, तसेच कर्नाटक स्टेट सीड कॉर्पोरेशन लिमिटेड यांची सर्वांत जुनी, म्हणजे वर्ष १९७७ पासूनची थकबाकी आहे.