विमानात आसनाखाली बाँब असल्याची खोटी माहिती देणार्‍या मुसलमानाच्या विरोधात गुन्हा नोंद !

मुंबई विमानतळावरून लक्ष्मणपुरी येथे जाणार्‍या विमानातील घटना

मुंबई – आसनाच्या खाली बाँब ठेवला असल्याची खोटी माहिती दिल्याप्रकरणी प्रवाशाच्या विरोधात विमानतळ पोलीस ठाण्यात गुन्हा नोंदवण्यात आला आहे. महंमद नासीर अली आयुफ असे गुन्हा नोंद करण्यात आलेल्या प्रवाशाचे नाव आहे.

मुंबई विमानतळावरून लक्ष्मणपुरी येथे जाणार्‍या विमानातील एका आसनावर बसलेल्या महंमद याने त्याच्या आसनाखाली बाँब असल्याचे सांगितले. त्यामुळे विमानाची तात्काळ पडताळणी करण्यात आली; पण विमानात कोणतीही संशयास्पद वस्तू सापडली नाही. यामुळे विमानाला निघण्यास विलंब झाला. या प्रकरणी विमान आस्थापनाच्या कर्मचार्‍याच्या तक्रारीवरून विमानतळ पोलिसांनी त्याच्या विरोधात गुन्हा नोंदवला.