श्री तुळजाभवानी मंदिर २२ घंटे खुले रहाणार !

धाराशिव – श्री तुळजाभवानीदेवीच्या दर्शनासाठी येणार्‍या भाविकांची संख्या वाढली असल्यामुळे मंदिर २२ घंटे खुले रहाणार आहे. नाताळ, नवीन वर्ष इत्यादी सलग सुट्यांमुळे ही संख्या वाढली आहे. त्यामुळे २५ ते ३१ डिसेंबर या कालावधीत मंदिर २२ घंटे खुले असेल. अतीमहनीय व्यक्तींसाठी देण्यात येणारी दर्शनपास सुविधा ७ दिवस बंद असणार आहे. २५ डिसेंबरला रात्री श्री तुळजाभवानीदेवीची छबिना मिरवणूक होणार आहे, तर २६ डिसेंबर या दिवशी छबिना आणि जोगवा दोन्ही विधी पार पडणार आहेत.