कुर्ला (मुंबई) येथे सुटकेसमध्ये आढळला महिलेचा मृतदेह !

मुंबई – शहरातील कुर्ला येथील शांतीनगरमध्ये मेट्रो रेल्वेचे काम चालू असलेल्या ठिकाणी एका सुटकेसमध्ये महिलेचा मृतदेह आढळलो. या प्रकरणी अज्ञाताच्या विरोधात हत्येचा गुन्हा नोंदवण्यात आला आहे. गुन्हेगाराचा शोध घेण्यासाठी या परिसरातील सर्व सीसीटीव्ही फुटेज पडताळण्यात येत आहेत.

१९ नोव्हेंबर या दिवशी दुपारी १२.३० वाजता पोलिसांना या सुटकेसविषयी माहिती मिळाली. मृत महिलेचे वय अनुमाने ३० ते ३५ वर्षे इतके आहे. मृतदेहाच्या एका हातावर त्रिशूळ आणि डमरू यांचे ‘टॅटू’ (यंत्राच्या सहाय्याने शरिरावर काढण्यात आलेली कलाकृती) आहे. मृतदेह शवविच्छेदनासाठी पाठवण्यात आला आहे. जून २०२३ मध्ये मुंबईला लागून असलेल्या पालघर जिल्ह्यातील मीरा-भाईंदर येथेही एका सुटकेसमध्ये महिलेचे डोके आढळले होते. मुंबईसह एकूणच महाराष्ट्रात क्रूरपणे होणार्‍या हत्यांचे प्रमाण दिवसेंदिवस वाढत असल्याचे यावरून दिसून येते.