पंतप्रधानांच्या हस्ते नवी मुंबई मेट्रो आणि बेलापूर-उरण रेल्वे सेवेचे लोकार्पण होणार !

मुंबई – येत्या ३० ऑक्टोबर या दिवशी पंतप्रधान नरेंद्र मोदी यांच्या हस्ते नवी मुंबई मेट्रो आणि बेलापूर-उरण मार्गावरील रेल्वे सेवा यांचे लोकार्पण होणार आहे. तसेच ‘नमो महिला सशक्तीकरण’ या अभियानाचाही शुभारंभ होणार आहे. या देशव्यापी अभियानाच्या दृष्टीने नरेंद्र मोदी नवी मुंबईत येणार आहेत. या कार्यक्रमाला सुमारे १ लाख २० सहस्र महिला आणण्याचे मोठे उद्दिष्ट ‘महाराष्ट्र राज्य ग्रामीण जीवनोन्नती अभियान’ या विभागाकडे सोपवण्यात आले आहे. ‘नमो महिला सशक्तीकरण’ अभियानातून लाखो महिला बचत गटांना नव्या सवलती मिळणार आहेत.