पनवेल, २१ ऑक्टोबर (वार्ता.) – श्री शिवप्रतिष्ठान हिंदुस्थान यांच्या वतीने देवद गाव येथे २१ ऑक्टोबर या दिवशी श्री दुर्गामाता दौड पार पडली. या वेळी धर्मध्वजाचे पूजन आश्रमातील संत पू. रमेश गडकरी यांनी केले, तसेच सनातन संस्थेच्या साधिकांनी औक्षण केले. पू. गडकरी यांनी श्रीफळ वाढवले आणि शंखध्वनी होऊन दौड मार्गस्थ झाली.
देवद येथील सनातन आश्रम येथून सकाळी साडेसहा वाजता दौडीस प्रारंभ होऊन गावातील गावदेवी मंदिर, श्री स्वामी समर्थ मंदिर, विसपुते महाविद्यालय, पुष्पनारायण सोसायटी अशी फिरून पुन्हा सनातन आश्रमात येऊन दौडीची सांगता झाली. दौडीमध्ये ‘पुण्यश्लोक छत्रपती शिवाजी महाराजांचा विजय असो !’, ‘धर्मवीर छत्रपती संभाजी महाराजांचा विजय असो !’, ‘श्री दुर्गादेवीचा विजय असो’, असे विविध वीरश्रीयुक्त जयघोष करण्यात आले. स्थानिक श्री गावदेवी मंदिरात दौड आल्यावर तेथे सुवासिनींनी धर्मध्वजाचे पूजन केले आणि मंदिरात दौडीत सहभागी झालेल्या हिंदुत्वनिष्ठांकडून आरती करण्यात आली. दिंडीमध्ये श्री शिवप्रतिष्ठान हिंदुस्थानचे धारकरी, महिला, मुले, राष्ट्रीय स्वयंसेवक संघाचे कार्यकर्ते, सनातन संस्थेचे साधक सहभागी झाले होते.
महायुतीमध्ये असलो तरी शाहू, फुले, आंबेडकर यांची विचारधारा सोडली नाही ! – अजित पवार, उपमुख्यमंत्री
सध्याच्या निवडणुका विकास विरुद्ध विद्वेष अशा होत आहेत ! – डॉ. नीलम गोर्हे, उपसभापती, विधान परिषद
पुणे येथे भविष्य निर्वाह निधीमध्ये ९ कोटी रुपयांचा अपहार !
मतदान करतांना कोणत्याही आमिषाला बळी पडू नका ! – ह.भ.प. अक्षयमहाराज भोसले
नृत्यसाधकांनी विज्ञानाची कास धरत कलासाधनेतील नवीन आयाम शोधावेत ! – डॉ. विजय भटकर, ज्येष्ठ संगणकतज्ञ
आनंद देता येत नसल्यास कुणालाही दुःख देऊ नये ! – आचार्य श्रीगुरु डॉ. सुनीलदादा लुले