पाकिस्तानमध्ये आणखी एका भारतविरोधी आतंकवाद्याची हत्या

कराची (पाकिस्तान) – पाकिस्तानमध्ये भारतविरोधी जिहादी आतंकवाद्यांच्या हत्यांच्या घटना थांबलेल्या नाहीत. आता दाऊद मलिक या आतंकवाद्याला अज्ञातांनी गोळ्या झाडून ठार केल्याची घटना घडली आहे. दाऊद मलिक याला पाकच्या वजिरीस्तानमध्ये ठार करण्यात आले. दाऊद मलिक हा ‘जैश-ए-महंमद’ या आतंकवादी संघटनेचा प्रमुख मसूद अजहर याच्या जवळचा असल्याचे म्हटले जाते. तसेच तो ‘लष्कर-ए-जब्बर’ आणि ‘लष्कर-आय-जांगवी’ या आतंकवादी संघटनांशीही जोडलेला होता. पाकिस्तानात बशीर अहमद पीर उपाख्य इम्तियाज, अबु कासिम, शाहिद लतिफ, जहूर मिस्त्री, परमजीत सिंह पंजवर आणि मुल्ला बाहौर या भारतातील पसार आतंकवाद्यांची काही दिवसांपूर्वी हत्या करण्यात आली होती.