श्री महालक्ष्मी मंदिरातील भाविकांच्‍या सोयीसाठी फिरती स्‍वच्‍छतागृहे प्रदान !

कोल्‍हापूर – साडेतीन शक्‍तीपीठांपैकी एक असलेल्‍या श्री महालक्ष्मीदेवी मंदिरात नवरात्रोत्‍सव काळात भाविकांची संख्‍या वाढल्‍याने वाहनतळाच्‍या ठिकाणी स्‍वच्‍छतागृहांची आवश्‍यकता असते. हे लक्षात घेऊन ‘इंडोकाऊंट फाऊंडेशन’कडून महिला आणि पुरुष भाविक यांच्‍यासाठी स्‍वतंत्र ‘स्‍टेनलेस स्‍टील’मधील मोबाईल (फिरती) स्‍वच्‍छतागृहे देवस्‍थान समितीला सुपुर्द करण्‍यात आली. या प्रसंगी ‘इंडोकाऊंट फाऊंडेशन’चे संचालक कमाल मित्रा, महाव्‍यवस्‍थापक संदीप कुमार, देवस्‍थान समितीचे सचिव सुशांत बनसोडे, श्री महालक्ष्मीदेवी मंदिराचे व्‍यवस्‍थापक महादेव दिंडे, अभियंता सुयश पाटील आणि इतर कर्मचारी उपस्‍थित होते.