मुंबई महानगरपालिकेच्या माजी महापौर सौ. किशोरी पेडणेकर यांच्यावर गुन्हा नोंद !

कथित शव पिशव्यांचे प्रकरण

मुंबई – कथित शव पिशव्या (बॉडी बॅग) प्रकरणी ठाकरे गटाच्या नेत्या आणि माजी महापौर सौ. किशोरी पेडणेकर यांच्यावर अंमलबजावणी संचालनालयाने गुन्हा नोंद केला आहे. सौ. किशोरी पेडणेकर यांच्यासह माजी अतिरिक्त महापालिका आयुक्त, माजी महापालिका उपायुक्त, खासगी कंत्राटदार वेदान्ता इनोटेक आणि अनोळखी सरकारी अधिकार्‍याच्या विरोधात आर्थिक अपहार अंतर्गत गुन्हा नोंद करण्यात आला आहे. ४९ कोटी ६३ लाख रुपयांच्या या घोटाळ्याप्रकरणी मुंबई पोलिसांच्या आर्थिक गुन्हे शाखेने याआधी सौ. पेडणेकर यांच्यासह अन्य काही जणांवर गुन्हा नोंद केला होता. यातील महापालिका उपायुक्त रमाकांत बिरादार यांना अटक करून त्यांचा जबाब नोंदवला आहे. या प्रकरणी भाजपचे आमदार किरीट सोमय्या यांनी तक्रार केली होती.