मुंबई – गणेशोत्‍सवाच्‍या निमित्ताने राज्‍यातील गणेशमूर्ती मिरवणुकीचे आगमन आणि विसर्जन मार्गांची डागडुजी करण्‍याचा आदेश राज्‍यशासनाने दिला आहे. ४ सप्‍टेंबर या दिवशी सह्याद्री अतिथीगृह येथे दहीहंडी आणि गणेशोत्‍सव यांनिमित्त मुख्‍यमंत्री एकनाथ शिंदे यांनी आढावा बैठक घेण्‍यात आली. या बैठकीत मुख्‍यमंत्र्यांनी जिल्‍हाधिकारी आणि महानगरपालिकेचे आयुक्‍त यांना वरील आदेश दिला. (केवळ विसर्जन मार्गांची डागडुजी न करता खड्डेमय झालेल्‍या सर्वच रस्‍त्‍यांची डागडुजी होणे अपेक्षित ! – संपादक)
यामध्‍ये गणेशमूर्ती आगमन आणि विसर्जन मार्गांवरील खड्डे तातडीने बुजवणे, झाडांच्‍या फांद्यांची छाटणी करणे, गणेशोत्‍सव मंडळांना वीज जोडणी तातडीने देणे इत्‍यादी दक्षता घ्‍यावी. राज्‍यशासनाकडून आतापर्यंत ७५ सहस्र गोविंदांना विमा सुरक्षा कवच देण्‍यात आले आहेत. उर्वरित गोविंदांना विमा सुरक्षा कवच देण्‍याचे निर्देशही या बैठकीत मुख्‍यमंत्री एकनाथ शिंदे यांनी या वेळी दिले.
गणेशोत्‍सवात ४ रात्री १२ वाजेपर्यंत ध्‍वनीक्षेपकाची अनुमती वाढवली !
रात्री १० वाजेपर्यंत असलेली ध्‍वनीक्षेपकाच्‍या मर्यादेची वेळ यावर्षी गणेशोत्‍सवाच्‍या काळात ४ रात्री १२ वाजेपर्यंत करण्‍यात आल्‍याचे राज्‍यशासनाकडून घोषित करण्‍यात आले आहे. मागील वर्षीच्‍या गणेशोत्‍सवात ध्‍वनीक्षेपकाची मर्यादा ३ रात्री इतकी वाढवण्‍यात आली होती.
फर्मागुढी (गोवा) येथील आयआयटी संकुलात बाँब ठेवल्याचा खोटा संदेश
नोकरी घोटाळा प्रकरणी चौकशीसाठी निवृत्त न्यायमूर्तींच्या अध्यक्षतेखाली आयोग नेमा ! – काँग्रेस
पुणे येथील ‘सवाई गंधर्व भीमसेन महोत्सवा’साठी ध्‍वनीक्षेपकाची अनुमती
कोल्हापूर जिल्ह्यात गृह मतदानाला प्रारंभ !
पन्हाळा गडावर ‘एक दिवस छत्रपती शिवरायांच्या सान्निध्यात’ ही मोहीम शौर्यपूर्ण वातावरणात पार पडली !
वैकुंठचतुर्दशीच्या निमित्ताने कोल्हापूर येथील श्री महालक्ष्मीदेवीची करण्‍यात आलेली विशेष रूपातील पूजा !