विभागीय चौकशी चालू असतांना पदोन्नती दिल्याची पूर्ण चौकशी करणार ! – उदय सामंत, मंत्री

विधान परिषद प्रश्नोत्तरे…

मुंबई, २७ जुलै (वार्ता.) – मुख्याधिकारी वर्ग-१ या पदावर विभागीय चौकशी चालू असतांना पदोन्नती दिल्याविषयीच्या प्रकरणाची पूर्ण चौकशी केली जाणार आहे, अशी माहिती मंत्री उदय सामंत यांनी २६ जुलै या दिवशी विधान परिषदेत दिली. याविषयीचा तारांकित प्रश्न सदस्य सुरेश धस यांनी उपस्थित केला होता.

मंत्री सामंत म्हणाले की, पदोन्नतीच्या विचारक्षेत्रातील अधिकार्‍यांसंदर्भात विभागीय चौकशी/न्यायालयीन प्रकरण चालू आहे किंवा कसे ही गोष्ट विचारात घेऊन पदोन्नती समितीकडून निर्णय घेण्यात येतो. त्यामुळे मुख्याधिकारी वर्ग-१ या पदावर विभागीय चौकशी चालू असतांना पदोन्नती दिली. याविषयीच्या प्रकरणाची पूर्ण चौकशी करून सभागृहातील सदस्यांना याविषयी अवगत करण्यात येणार आहे.