पोलीस अधिकार्‍यांचा सहभाग असल्‍यास बडतर्फ करू !
मुंबई, २४ जुलै (वार्ता.) – राज्‍यात ‘ऑनलाईन गॅम्‍बलिंग’ (जुगार) होत असल्‍यास त्‍यावर निश्‍चित कारवाई केली जाईल. तथापि जे ऑनलाईन खेळ खेळले जातात ते ‘गेम ऑफ स्‍कील’ (कौशल्‍याचे खेळ) स्‍वरूपात असल्‍यास त्‍यांना अनुमती असते. त्‍यावर कारवाई करता येणार नाही. सभागृहात दिलेल्या माहितीची शहानिशा करून अवैध व्यवसाय चालवणारे आढळून आल्‍यास त्‍यांच्‍यावर कायदेशीर कार्यवाही करण्‍यात येईल. कुणालाही पाठीशी घालणार नाही. पोलीस अधिकारी यात सहभागी असतील, तर कलम ३११ नुसार त्‍यांना बडतर्फ करण्‍यात येईल, असे उपमुख्यमंत्री देवेंद्र फडणवीस यांनी विधान परिषदेत सांगितले. विरोधी पक्षनेते अंबादास दानवे यांनी यासंबंधीचा प्रश्‍न उपस्‍थित केला होता.
छत्रपती संभाजीनगर जिल्ह्यात अवैध व्यवसाय चालू असल्‍याविषयी विरोधी पक्षनेत्‍यांनी दिलेल्या तक्रारीवरून चौकशी करण्‍यात आली असून चौकशीत पोलीस प्रशासनाकडून अनधिकृत वसुली करण्‍यात येत असल्‍याविषयी निष्पन्न झाले नाही, असेही फडणवीस यांनी या वेळी सांगितले.
#विधानपरिषदप्रश्नोत्तरे
औरंगाबाद जिल्ह्यात अवैध व्यवसाय सुरु असल्याबाबत विरोधी पक्षनेते यांनी दिलेल्या तक्रारीवरुन केलेल्या चौकशीत पोलिसांकडून बेकायदेशीर वसुली होत असल्याबाबत निष्पन्न झाले नाही. अवैध व्यवसायांबाबत कुणालाही पाठिशी घालणार नाही – उपमुख्यमंत्री देवेंद्र फडणविस pic.twitter.com/Qj0yRWOMCo— AIR News Pune (@airnews_pune) July 24, 2023
हिंगोली जिल्‍ह्यातील अवैध व्यवसाय बंद करण्‍याविषयी मोहीम हाती घेऊन कार्यवाही केली जाईल. त्‍यासाठी ‘मकोका’ अथवा ‘एम्.पी.डी.ए.’ कायद्यांतर्गत कारवाई करू, असेही फडणवीस यांनी या वेळी सांगितले. या अनुषंगाने झालेल्‍या चर्चेत सदस्‍य सर्वश्री भाई जगताप, अभिजित वंजारी, अधिवक्‍ता अनिल परब, श्रीमती प्रज्ञा सातव यांनी सहभाग घेतला.
तरुण पिढी वाईट मार्गाला जाईल, अशा खेळांचे विज्ञापन न करण्‍याचे आवाहन !
भारतरत्न सचिन तेंडुलकर गुटखा किंवा तत्‍सम जाहिराती करत नाहीत. ज्‍या खेळांमुळे तरुण पिढी वाईट मार्गाला जाऊ शकते अशा खेळांची अथवा गुटख्‍यासारख्‍या पदार्थांचे विज्ञापन करावे का ? याविषयी प्रसिद्ध व्‍यक्‍तिमत्त्वांनी विचार करावा, असे आवाहन उपमुख्यमंत्री देवेंद्र फडणवीस यांनी या वेळी केले.
फर्मागुढी (गोवा) येथील आयआयटी संकुलात बाँब ठेवल्याचा खोटा संदेश
नोकरी घोटाळा प्रकरणी चौकशीसाठी निवृत्त न्यायमूर्तींच्या अध्यक्षतेखाली आयोग नेमा ! – काँग्रेस
पुणे येथील ‘सवाई गंधर्व भीमसेन महोत्सवा’साठी ध्वनीक्षेपकाची अनुमती
मुंबईत पोलीस निरीक्षकावर आक्रमणकर्त्याच्या विरोधात गुन्हा नोंद !
कोल्हापूर जिल्ह्यात गृह मतदानाला प्रारंभ !
पन्हाळा गडावर ‘एक दिवस छत्रपती शिवरायांच्या सान्निध्यात’ ही मोहीम शौर्यपूर्ण वातावरणात पार पडली !