माझ्यासाठी कलम ३७० आता केवळ इतिहास ! – शाह फैसल, सरकारी अधिकारी

श्रीनगर (जम्मू-काश्मीर) – जम्मू-काश्मीरला विशेष दर्जा देणारे कलम ३७० रहित करण्याच्या विरोधात सर्वोच्च न्यायालयात याचिका प्रविष्ट करणारे भारतीय प्रशासकीय सेवेतील अधिकारी (आय.ए.एस्.) शाह फैसल यांनी याचिका परत घेतल्याची माहिती पुन्हा एकदा दिली आहे. याआधी सप्टेंबर २०२२ मध्ये त्यांनी यासंदर्भातील निवेदन दिले होते. ११ जुलै या दिवशी सरन्यायाधीश डी.वाय. चंद्रचूड यांच्या अध्यक्षतेखाली सर्वोच्च न्यायालयाचे ५ सदस्यीय खंडपीठ कलम ३७० संदर्भात प्रविष्ट करण्यात आलेल्या सर्व २० याचिकांवर सुनावणी करणार आहे. त्या पार्श्‍वभूमीवर शाह फैसल यांनी त्यांची भूमिका स्पष्ट केली आहे. अर्थात् त्यांची याचिका रहित करायची कि नाही ?, याचा निर्णयही ११ जुलैला न्यायालयच देणार आहे.

370, for many Kashmiris like me, is a thing of the past.

Jhelum and Ganga have merged in the great Indian Ocean for good.

There is no going back. There is only marching forward. pic.twitter.com/3cgXRWSxW0

— Shah Faesal (@shahfaesal) July 4, 2023

यासंदर्भात शाह फैसल म्हणाले की, कलम ३७० आता केवळ इतिहास आहे. झेलम आणि गंगा या नद्या नेहमीसाठी महान हिंद महासागरात मिळाल्या आहेत. त्यामुळे आता मागे पहाण्याची आवश्यकता नाही. आता केवळ पुढे पहायला हवे. याआधी फेब्रुवारी २०२१ मध्ये फैसल म्हणाले होते की, कलम ३७० हटवण्यावरून मी केलेल्या विरोधाचा मला पश्‍चात्ताप होत आहे.