सनातन प्रभात > Location > आशिया > भारत > उत्तर प्रदेश > मुसलमान मुली हिंदूंसमवेत दिसताच त्यांना मारहाण करणारे इस्लामी गट सक्रीय !

मुसलमान मुली हिंदूंसमवेत दिसताच त्यांना मारहाण करणारे इस्लामी गट सक्रीय !

प्रतिकात्मक छायाचित्र

बिजनौर (उत्तरप्रदेश) – अलीकडच्या काळात मुसलमान मुलींना हिंदूंसमवेत पाहिल्याविषयी इस्लामी गटांकडून मारहाण आणि अत्याचार झाल्याच्या अनेक घटना घडल्या आहेत. या प्रकरणी बिजनौरमध्ये पोलिसांनी अशा ४ मुसलमान तरुणांना अटक केली आहे. अल्तमास, फरदीन, महंमद अनस आणि आमिर अशी त्यांची नावे आहेत. हे मुसलमान तरुण परिसरात फिरायचे. मुसलमान मुली हिंदु तरुणासमवेत दिसल्या की, त्यांना अडवून व्हिडिओ बनवायचे. त्यानंतर मुलीच्या कुटुंबियांना याची माहिती द्यायचे.

एका वृत्तवाहिनीने दिलेल्या माहितीनुसार, अफझलगडमधील रहिवासी विनोद हे धामपूरहून अफझलगडला जात होते. धामपूरमध्ये विनोद यांचा मुसलमान मित्र त्याच्या बहिणींसमवेत गाडीची वाट पहात उभा होता. त्याने विनोद यांना बहिणींना घरी सोडण्याची विनंती केली. विनोद मित्राच्या दोन्ही बहिणींसमवेत दुचाकीवरून निघाले. डेहराडून-नैनिताल महामार्गावर येताच तीन दुचाकीस्वार त्यांच्या मागे लागले. त्यांनी विनोद यांची दुचाकी अडवली. त्यांनी विनोदला शिवीगाळ करत मारहाण केली आणि मुसलमान मुलींसमवेत त्यांचा व्हिडिओ बनवला. या प्रकरणी पोलिसांनी वरील ४ तरुणांना अटक केली.

अलीकडच्या काळात देशाच्या विविध भागांमध्ये अशा अनेक घटना घडल्या आहेत. हिंदु तरुण मुसलमान मुलींसमवेत दिसताच त्यांना मुसलमान गटांकडून लक्ष्य केले जात आहे. २१ मे २०२३ या दिवशी उत्तरप्रदेशातील मुरादाबाद येथे एका मुसलमान मुलीला हिंदु मुलासमवेत बाजारात काही खरेदी करतांना पाहून मुसलमान तरुणांच्या एका गटाने हिंदु मुलाला बेदम मारहाण केली होती.

नूतन लेख